Poraz na Kanarskim ostrvima
slika 15.12.2018. 08:15 h
Plavi nijesu uspjeli da zabilježe prvu pobjedu na gostovanjima u Evroligi.

U 12.kolu Evrolige košarkaši Budućnost VOLI poraženi su na gostovanju od KK Herbalife Gran Canaria rezultatom 95-85 . Nakon solidnog početka naše ekipe domaćin je zaigrao mnogo bolje i prije svega sjajnim šutem za 3 poena počeo da stvara veliku prednost. U prvih 20 minuta domaća ekipa je pogodila 9 trojki a prednjačio je Eriksson sa 4 pogođena šuta van linije 6.75 metara. Naša ekipa je otvorila drugo poluvrijeme u nešto boljem ritmu, posebno kada je odbrana na perimetru u pitanju i činilo se da Plavi hvataju priključak. Ipak za ozbiljniji povratak naši momci nisu imali snage,čini se da je dug put ostavio traga. U posljednjoj četvrtini trener Džikić je pružio priliku igračima koji obično imaju manju minutažu, a posebno raduje povratak Zorana Nikolića nakon povrede. Upravo je ova postava ublažila poraz borbenom igrom u posljednjoj dionici.Najefikasniji u našim redovima bio je Jackson sa 15 poena i 3 pogođene trojke, dvocifreni su bili još Omić sa 12 odnosno Gordić i Popivić sa po 10 poena. Herbalife Gran Canaria predvodio je Eriksson sa 15 poena.

Naredni meč u Evroligi KK Budućnost VOLI igra ponovo na gostujućem terenu kada će u okviru 13.kola igrati protiv KK Anadolu Efes Istanbul u utorak 18.decembra.

Izjave nakon utakmice: 

Sead Šehović:

Odigrali smo dva različita poluvremena. Primili smo previše poena iz tranzicije u prvom poluvremenu zbog čega su domaćini stekli veliku prednost. U drugom poluvremenu smo odigrali mnogo bolju odbranu i stigli na 6 poena minusa ali nismo uspjeli da preokrenemo. Ostaje žal za propuštenom prilikom ali naporan ritam se nastavlja i okrećemo se idućem protivniku tj. Ciboni.

Aleksandar Džikić:

Čestitke domaćinima, druga četvrtina je prelomila utakmicu. Mi smo pokušali da igramo drugačije u drugom poluvremenu ali nije bilo dovoljno. Nevjerovatno je da dopustimo da tim koji nije postigao nijednu trojku sa pozicije plejmejkera ima 26 asistencija, od čega plejmejkeri 20 kombinovano.

Povezani članci:
KKB
bmw
KKBOneteam

Prijavite se na naš njuzleter:

Pratite nas:

© All rights reserved 2017 Budućnost VOLI, Powered by Amplitudo

Erotik shop siparis - realistik Mankenler